KOHNA CHHANG THIN PATHIAN
"Aw LALPA, ka aw a ka auh che chuan ngaithla ang che: Mi khawngaih la,
mi chhâng bawk ang che" Sam 27:7
Ka Bible thu chhiarchhuah atang khan kan thlêkna lam tur chu a lang nghal ruak sa tawh tho bawk a, chuvang chuan thu sawi tura ka inbuatsaih hi a thupui pawh ka vuah hran lova, kan ngaihthlak atangin keimahni theuh khân a thupui chu kan lo vuah mai dawn nia.
Vawikhat chu naupang pakhat hi a nuin pangpar huanah a hruai a. Naupang chuan nuam a ti hle mai a, a nu kaihna bân atanga tal chhuakin pangpar buk zingah chuan hlim tak maiin a tei kual vel a. A nu chuan a han ko thin a, kal hla lo turin a hrilh thin a, nimahsela chu naupangte chuan a ngaihsak lova, a hre duh tlat lo mai a. Pangpar mawi tak tak te chu a thliak vel a, a hlim a, tudang mah a ngai lo a ni. Tichuan, hlim taka hun a hman reng lai chuan khua alo tlai ta a, khua alo thim tan ta. Chutah zet chuan a nu auh pawh ngai tawh lovin chu naupang hlim taka hun hmang mek a chu hlauhna in a man tan a, a mangang ta hle mai a ni. A tira kotu, a ngaihsak duh loh a ngei chu a au a, a koh eih mai loh avangin mangang takin a tap ta a. A nu chuan a fanu mangang taka tap a va hmuh chuan a khawngaih em em mai a, a bulah a kal a, a pawm vawng vawng a, a fawp a, “Mamte, engah nge ka hnen atanga i kal bo a, ka kohna aw pawh i ngaihthlak duh loh ni? Hei, Khua a lo thim dawn meuh chuan heng pangpar mawi tak tak te hi i thlamuanpui lo a, i nu bawk asin i zawn leh ni. Tun atang chuan keimah aiin engmah thlang tawh suh aw” tiin a hrilh ta a, chu naupang chu a in hnit hlawp hlawp a, a nu zilhna chu a hrethiam chiang kher mai.
He naupang nun atang hian zirtur a va tam êm. Pathian hmangaihna ângchhûng atangin kan tâl chhuak a, khawvel nawmsakna leh mawina te chu in awmtlei nan kan hmang a, Pathianin a mite hmang a min kohna pawh kan ngaihsak duh lova, kan mangan phah nghal mai lova, kan hlim ngaiin kan la hlim reng thin a ni. Nimahsela, harsatna leh lungngaihna kan hnena alo thlen meuh hunah chuan a tira hmangaihna aw nêm a min ko tu chu thlaphâng leh mittui tla chunga kan la auh lêt hun ala thleng dawn a ni. Harsatna leh manganna nghâkchhuak kher lova tun huna min kotu hnen kan pan a pawimawh hle a ni. Heng harsatna hi kan tâwk mek anih pawhin kan manganna au aw chu Siamtu Pathian hian min la ngaihthlâk sak duh a, Nu in a fa hmangaih taka alo kuah duh ang khan Pathian hian hmangaih takin min la kuah duh reng a ni. Pathian min kohna la hre reng reng lo nia kan in ngaih chuan a koh hre phâkah kan awmlo tihna a ni a, chuvang chuan kan kalsan thui hle tawh tihna a ni a, a kohna hre phâk leh chhâng phâka kan awm a pawimawh hle a ni.
Bible-a mimal pahnih lek chanchin hi heti zawng hian han zir leh ta ila.
1. SAMSONA :
Roreltute Bung 13 chho-ah khân SAMSONA chanchin kan hmu a. Israel-a thlah ten Lalpa duhloh zawng thil an tih avangin Lalpan Filistia-ho kutah kum 40 lai a awmtir a. Samsona chu Filistia mite kut atanga Israel-te chhanchhuak tura Pathian ruat a ni.
Filistia mite chunga chêtna tur remchang a awm theih nân Pathianin Filistia nula Delili a ngaihzawn tir a (Roreltu 14:5). Nupuia neih hial kha a duh ta a. Mahse Pathian remruat angin Delili pa chuan mi dang pasalah a neihtir ta daih mai a. Chu chu Samsona chuan a haw em em mai a, Filistia mite pawi khawihna remchang tak alo ni ta a. Tichuan Sihal a man khawm a, an meiah meichher a phuar bet a, an Buh hmunah a chhuah a, Filistia mite Buh leh Olive huante a kang ta vak mai a. Tin, Sabengtung khabe ruhin mi sangkhat lai a vaw hlum bawk a ni.
Samsona hian chakna thuruk a nei a, chu chu a nu pum chhunga a awmlai atanga Pathian tana ‘Nazarit’ mi a ni a, a lû meh phal a ni lo a, Grep kung atangin eng mah a ei tur a ni lova, Uaiin emaw Zu emaw pawh a in tur a ni lova, thil thiang lo reng reng a ei tur a ni lova. Hetianga Pathianin a buatsaih dan hi a hrechiang hle a ni.
An hmelma Filistia-hote tân chuan a chakna thurûk chu hriat a chakawm hle a ni. A ngaihzawng Delili hmangin hriatchhuah an tum a, vawi tam tak a bialnuin a zawh hnuin a tawpah chuan a zep zo ta lova, an tum ang ngeiin a chakna thuruk chu an hre chhuak ta a. An man a, a mitmu an kher chhuahsak a, kawl an buntir a, tan inah chhangphut an rawt diptír thin a ni. (Ror. 16:21)
Kan hmelma Setana pawh hian kan chaklohna lai hi hriat a châk hle thin in a rinawm a ni. Mihringte hi chaklohna in a thuam vel kan ni a, nimahsela Pathian avang erawh chuan kan chak thei a ni. Samsona khan vawi 3 lai mai thlemna kha a hneh zel thei a, a vawi 4-naah khan a tang zo ta lova, a thihna thlentu alo ni ta a ni.
Samsona hi amah buatsaihtu Pathian lakah a rinawm lova, a chakna thurûk a puan avangin mualpho leh diriam-na nasa tak a tâwk a, nuihza siam nan te, ennawm atan te an hmang hial a ni. Samsona hi Israel-te, Filistia-ho kut atanga chhanchhuak tura Pathian bêl ruat a ni a. Nimahsela, Pathianin a pêk, a chakna avangin Pathian a ngaihthah a, a chakna chu a thlamuanpui a, a hriatloh laiin sualin a ngam ta a ni.
Samsona kha a hmelma ten manin, diriamin, nuihza siam nan hmangin mualpho takin awm mahse Pathian a theihnghilh lo a. Pathian hnenah a tawngtai a, (Ror. 16:28-Page 275) “Aw LALPA Pathian, khawngaih takin mi han hre reng langin, khawngaih takin tun tumah chauh hian mi han tichak la, aw Pathian, ka mit khinghnih phuba hi Philistia-hote chungah hian ka han la thaui teh ang,” tiin Pathian a au va. A dilna chu Pathianin a chhâng ta a, chakna thar a pe a. Filistia-ho mi lian zawng zawng awmkhawmna In dotu ban pahnih chu theihtawpin a nawr a, In chu a chim ta rup mai a, an hruaitute leh a chhunga awm zawng zawng mi sangthum (3000) chu a delh hlum ta vek a ni.
II Korinth 12:10-ah chuan ‘ka chak loh apiangin a ni ka chak thin ni’ tih thu kan hmu a. Samsona nunah hian a chiang hle a ni. A chakloh ber lai, engmah a hmuh theih loh a, khawi mah a kalsawn theih tawh loh hunah Pathian a au a, Pathian chuan chakna thar pe lehin a chak ber laia a thah zat aia tam a thihchilh tih kan hria a ni.
A thiltih sual avangin mualpho takin awm tawh mah se, Pathian a au va, Pathian chuan a hun takah a kohna chu a chhang leh a ni.
A dawt lehah chuan Jona chanchin atang hian lo zir leh ta ila :
2. JONA :
Amittaia fapa Jona kha khawpui ropui tak, Ninevi khua a thusawi turin Pathianin a tir a, Pathian kohna chu hnialin Jona chuan Tarsis lam-ah tlânbo san a tum a. Nimahsela, a kalkawngah a chuanna lawngin harsatna nasa tak an tawk a, amah vang ani tih an hriatin tuipuiah an paihchhuak a, Nghapuiin a lo dawlh a, Nghapui kawchhungah ni 3 leh zan 3 lai a awm a, Nghapui kawchhunga a awmlai chuan a inchhir a, Pathian a au ta a. (Jona 2 chho-ah kan hmu) Pathian chuan Tuifinriat mawng daih a mi, Nghapui kawchhung atang lehnghal a inchhira Amah ko tu kohna chu hriain a chhâng a, vaukamah a law chhuak ta a ni. Inbihruksiak ni ta se zawn a hautakin a beidawnthlak hle ang.
Nghapuiin a luakchhuah hnu khan Jona chu Pathianin Ninevi khuaa simna thu sawi tur chuan a tir nawn leh ta a, ani pawh chu a kal ve ta a. Ninevi chu khaw ropui tak mai, a zau zawng ringawt pawh ni 3 kal a ni a. Jona chuan ni 40 hnuah Ninevi khua tihboral anih tur thu a tlangau pui ta a. Heta Ninevi khuaa mite nun dan hi a entawn tlâk in a mak hle a ni. An sual avanga tihboral tur an nih laia hetiang khawpa Pathian-ah in lamlet a Pathian an au thei hi a mak hle zawk a ni.
‘Ninevi mite chuan Pathian an ring ta a, an zînga a lian ber atanga a tê ber thlengin saiip puan sin in chaw nghei tûr tiin an puang a. An khaw lalber in alo hriatin a lal thutphah atang chuan a tho va, a lal puan chu a hlip thla a, saiip puan a sin a, vutah a thu ta a. Lalber leh a milliante thupêkin lalber chuan Ninevi khawchhûngah thu a puangin a chhuah a, mihring emaw, ran emaw, bâwng rual emaw, berâm rual emawte chuan engmah tem suh se: eiin tui pawh in suh se: Mihring leh rante chuan saiip puan sin zâwk sela, Nasa takin pathian au rawh se: a ni, mitinin mahni kawng tha lo leh an kuta pâwngnêkna chu hawisan rawh se. Kan boral loh nân, Pathian chu kîrin, rilru lamlêtin, a thinrimna nasa tak atang chuan a lamlêt lovang tih tuin nge hria? tiin Pathian an au va. Tichuan pathianin an thil tihte chu en in, an kawng tha lo chu an hawisan tih a hmu a; Ninevi khua tihboral a tumna chu Pathian chuan a lamlêt ta a ni.
Jona khan Pathian kha Nghapui kawchhung atang khan au lo ta sela, Nghapui khan a law chhuak lovang a, Jona kha a thih mai bakah Ninevi khua, a zau zawng pawh ni thum lai kal kha tih boral an ni dawn a ni. A râpthlâk hle dawn a ni.
A tawp bera ka sawi duh chu, Pathian hian min hawisan tawh niin hre mah ila, khawi hmunah pawh awmin, eng dinhmunah pawh ding ila, Amah kan auh chuan min la chhâng duh reng a ni tih kan hriat thar a pawimawh hle a ni. Kan awmna apiang atanga Pathian auh nachang kan hriat theih nan kan Thusawi te Lalpa’n malsawm rawh se.
Sawina hmun : KTP Ramhlun South Branch KTP
A hun : Ni. 16.11.2009 (Thawhtan zan)
Tun tum atan hian RINGTU NUNKAWNG tih thupuiah ka han vuah ve a, chu chu kawng hnih lekin sawi kan tum dawn a ni.
Pakhatna atan chuan ‘GOAL’ tih chungchang hi sawi hmasa ila. Goal tih chu kan hrethiam nghal vek a, ‘tum’ tihna te pawh a ni awm e. Ringtute hian thil tum tam tak kan nei a, kan nitin hun hmanah hian sual hneh zel te, thiltha tih te kan tum thin, nimahsela GOAL erawh chu pakhat chiah kan nei a, chu chu VANRAM a ni. Kumin hi Fifa World Cup neih kum te a ni bawk a, Football chanchin atang hian zir dawn ta ila. Football leh Ringtu Nun hian in anna a ngah hle mai a, kan sawi belhbawm dawn a ni.
English Premier League kan en thin a, Football-a thil pawimawh tak 3 chu Player, Ball, Goal te an ni. Player chu Ringtute, Ball chu Piantharna, Goal chu Vanram. Player chuan ball chu Goal-ah tihluh a tum thin a, Ringtute pawhin kan Piantharna hi Vanram luhpui kan tum a ni.
Football-ah chuan Team pahnih an inkhel a, ball chu goal-ah tihluh tumin theihtawpin an bei thin a ni. Ball chu chak tak takin an tlanpui a, an hnungah lehlam pawl, an hmelma lam chuan an rawn um reng a, an inthlahdah vaih chuan ball chu laksakin an awm a, an mahni goal-ah thun tumin a bei let thin a, ball an inlaksak tawh chuan ball chan leh tumin tlan letleh a ngai a, nasa fe a an um hnuah an vanneih chuan an laksak leh thei chauh thin a ni. An vanneih loh phei chuan an goal-ah lutin a tawpah an mittui ti tlatu a ni fo thin a ni. Amaherawhchu an ball khalh lai an rawn laksak lo anih chuan goal bul hnaihah an ball khalh lai chu harsa tak chung pawhin an han cross hrâm a, ball chu goal-ah net puarpawpin a lut a, chu veleh an mahni mai bakah, inkhawm reh lai pawh sawi lovin, kan khua thleng thlengin kan lo au ve thin a ni. Chak taka tlan chunga ball han cross vel chu thil harsa tak a ni a, cross thiam deuh te phei chu an lar phah hle thin a ni. Ball cross chuan chuhbuai mektu lak atangin a thiarfihlim thin a ni.
Tichuan keini pawh kan Goal, Vanram luh tuma kan kal mek lai hian kan hnungah lehlam pâwl, Setana hian min ûm reng a, kan piantharna min laksak tumin min um min um a, kan inthlahdah lai changin min hnaih reng thin a ni. Min ûm phak rualin min tibuai a, kan piantharna chu kan hum zo lova, min laksak a, min tlanlêt san leh thin a ni. Kan tum, kan goal lam pan thei lovin min siam a, kan goal-a luhpui tur kan piantharna chu la letleh turin min laksaktu, amah Setana chu buaipui lo thei lovin, kan goal lam pan leh tur chuan amah chu nasa fê a kan beihlêt phawt a ngai thin a, kan beih nasat a, kan tumruh phawt chuan kan laksak leh thei a, kan goal lamah kan tlan leh thei chauh dawn a ni. Kan piantharna chu Ball a ni a, Ball tel lovin tumahin an pet Goal ngai lo.
Kan ball khalh lai chu min chhuhsak lo anih pawhin min umphak loha tlan chungin, min lo chhaih buaitu, Defender tha pui pui tam tak pal tlang tur kan la nei a, chung kan paltlang hnuah pawh Goal vengtu alo awm leh a, Goal vengtu kan paltlang hnu chuan tuma tihbuai phak tawh lohin kan ti goal thei ta a ni. Goal-a ti lut tur hian ball han cross zauh zauh pawh a ngai a, kan cross tawh chuan ball chu min chuh buaitu lak atanga hla taka kan dah thei thin bawk a ni.
Setana hian kan piantharna hi min chuhsak mai lo mahse kawng Setana hian kan Goal luh tumna lakah min tibuai turin hmanrua tam tak, min tibuai theitu Defender a nei a, sex te, ruihhlo te leh sum leh pai te-in min lo dan a tum leh a, chung zawng zawng chu kan paltlang a ngai a, kan paltlang hunah kan tum chu hlenin lawmin kan la au dawn a ni.
Kan Goal kan pannaah hian mahni in ven pah a ngaih chang a awm bawk a, a then chuan defender-te paltlang zo lovin hnehin an awm a, defender an paltlang anih pawhin Goal keeper alo la awm leh zel a, harsatna kan tawhna hmun hi a inang vek lem lo a ni. Defender paltlang hneh viau mah ila Goalkeeper kan paltlang zawh loh chuan hnehna kan chang thei dawn lova, hnehna chang tur chuan kan hmaa min daltu chu hneh zel a ngai a ni. Ringtute pawh hian kal goal thlen nan hian kan hmaa defender-te, goalkeeper-te hi hneh zel a ngai a ni. Midfield-ah hneh viauin hnungtawlh lo mah ila kan goal kan hlen chuan loh chuan nakinah hian lawmna kan chang zo lo ang tih a hlauhawm hle a ni.
Lehlam pawl chu kan hneh lo deuh pawh a ni thei e. Coach/Manager kan neih chu hman tangkai a ngai ta a ni. Coach chu min lo thlir rengtu a ni a, kan chaklohna lai apiang min rawn tichak turin min thlir reng a, tihdan turte min hrilh thin a ni. Keini pawh hian min thlir rengtu Coach kan neih a ngai a, hnehna chang turin kan chaklohna lai apiangah Amah chu kan râwn thin a ngai a ni. Coach thu kan zawm loh erawh chuan kan talbuaina ngaiah kan talbuai zel dawn tihna a ni.
Mâwi taka pêt goal leh nalhlo deuha pet goal hi a hlut zawng a inang reng a, goal khat ve ve a ni. Nimahsela, a luhdan a zirin khawvel milar anih phah theih thung. Maradona pawh khawvel ngaihsan anih na chhan chu Field lai atanga a khalh goal vangte, England goalah a kuta a benluh vangte a ni? Beckham pawh freekick a pet luh nalh theih em vang a ni? ti ila tuman ‘NO’ kan tih ka ringlo. Heng goal ropui kan sawite hi nikum maia Henry (Younry) handball vanga chakna an chan nen a intluk vek a. Hengte hi a goal vek a, mahse fak hlawh em em leh sawiselna tawk nasa tak te an ni. Zanina ka sawi duh lai tak chu a goal lai bawk hi a ni a, ringtute hi kan inang vek lo a, kan theihna pawh a inang vek lo a ni. A pawimawh lai bera chu kan goal kan panna kawngah hian hnehna kan chan zel hi a pawimawh lai tak a chu a ni.
Defender Petera pawh khan Lal Isua mantira a awm dawn zan khan ala defend tha viau a, Puithiam bawih beng a sahthlak sak a, mahse a tuk khua a var meuh chuan an mahni lamah vawi 3 a pet goal zawt zawt anih kha, Columbia Team ami chu nise vawi 3 an kaphlum duh ngei ang. (Escobar pawh an kaphlum a nih kha) .......
Setana hian min um phak lo mahse a thurualpui tam takin kan goal kan pannaah hian min lo tihbuai an tum thin a, harsa tak chung pawha kan paltlang lo a nih vaih chuan kan goal kan thleng zo dawn lova, kan tahnain min hmuak dawn a ni.
2. NUN NGHET
Zanina inkhawm zingah la piangthar ngailo chu kan awm lo ang tih a chiang a. Nimahsela ringtu kan nih lai hian kan rinna kan hlauh fo thin a ni. Kan nuam tih zawng te, kan tuipui zawngte a ngai reng thei lova, kan nun pawh a inthlak fo thin a ni. Zanina rawn inkhawmte pawh hian Nghehna Nun hi kan mamawh ber te zing ami chu a ni ngeiin a rinawm. Chu kan mamawh chu engtin nge kan neih theih ang tih kawng 3-in kan hriat \han fo tawh hnu hi lo tarlang ila.
1. Grep hrui tak zawm tlat (Johana 15:4)
Grep chu kan hre theuh a, Grep pêng chuan rah chhuah thei tur chuan a kungpuia zawm tlat a ngai a, a chhan chu amahin a rah thei lo a ni. A peng chuan a kungpui a zawm loh hun hun chu a thih hun a ni a. A thih tawh chuan rah a rova, rah a chhuah tawh ngai lo a ni. Johana 15:4-a kan hmuh ang hian Isua hi grep hrui tak tak chu a ni a, keini hi a pêngte chu kan ni a; Grep hrui tak tak ‘Isua’ tel lovin a pêng ‘keimahni’ hi kan rah thei lo. Grep pêngin rah chhuah tura a kungpui a zawm tlat a ngai ang bawkin, ringtute pawh hian rah chhuah a, nghet taka ding tlat tur chuan Isua nen kan inzawm tlat tur a ni. Thlipui nasa tak pawh lo thawk mah se, a kungpui kan zawm tlat avangin len bovin kan awm ngai dawn lo a ni. Grep pêng chuan a kungpui a zawm tlat theih na chhan chu a kungpui atangin chakna a la a, chaw a lakluh reng thin vang a ni. Chutiang chiah chuan keini pawhin nitin Pathian thu chhiar a, \awng\aiin Lal Isua chu kan zawm reng thei a ni.
2. Isua lam en tlat (Mt. 14:29)
Lal Isua khan chhangper 5 leh sangha 2-a patling sangnga lai a hrai zawh khan, a zirtirte kha râl lehlam (Kapernaum khua)-a lo va kal hmasa turin a tir a. Tlai alo ni a, lawng chu dil lai takah chuan a awm a, thliin lawng chu a ni lo zawngin a nem avangin tuifawn chuan zan khuain a vawrh a vawrh ta mai a. Isua alo la thleng thei si lo. A zirtirte chu an mangang em em a. Khawfing chah dawn lai velin an lam pana tui chunga Isua lo kal an hmu ta a, Isua chuan a rawn thlamuan ta a. Tui chunga Isua lo kal a hmuhin Petera chuan, “Lalpa… tui chunga i hnena kal thu mi pe rawh,” a ti a. Isua chuan, “Lo kal ta che,” a ti ve mai bawk a (28:29).
Petera chu lawng a\ang chuan a chhuk a. Isua en tlatin Isua lam pan chuan tui chungah chuan ke in a kal ve ta mai a. Isua chauh a en lai chuan a buai reng reng lo. Mahse, Isua ni lo, a vela tuifawn hlup hlup a en chuan a hlau a, a buai a, a pil dawn ta mai a ni tih kan hria a ni.
Petera angin Lal Isua kan en reng chhûng chuan kan ding nghet ang a, kan enloh hun hunah kan buaina khawvel hian min chim pil dawn a ni. Lal Isua en lova keimahni kan inen a, khawvel nawmsakna te kan thlir a, kan rawngbawlpuiteah kan inteh kan inteh chuan kan rinna min sawhsawn sak thei thil kan hmu fo dawn a, amaherawhchu Isua kan en reng chuan chûng harsatna leh buainate chuan min tibuai phak dawn lo a ni. Lal Isua chu mi tlinglote tlinna, misualte felna, lungngaite lawmna a ni si a. Hla siamtu pawhin “Chak lote tan Isua lungpui nghet a ni” tiin alo phuah a ni.
3. Lungpui chunga innghah (Jak. 1:22)
Lal Isua’n in satu pahnih tehkhin thu a sawi a. Mi fing chuan lungpui chungah, harsatna tam tak paltlangin in nghet tak a sa a, thlipui leh ruahpui nasa tak pawhin a tinghing zo lo; a innghahna a ngheh tlat vang a ni. Mi â erawh chuan \iauvut chungah in a sa a, kâr lovah a sa zo thuai mai. Mahse, thlipui leh ruahpui a rawn thawk a, chu in chu a nuai chhe ta vek mai a. A nghahchhan a ngheh loh em vang a ni. Lal Isuan mi tin a thu hriaa zawmtute chu mi fing, lungpui chunga in satu nen a tehkhin a ni. Lungpui chu Lal Isua sawina atan hman thin a ni bawk. (Matthaia 7:24 "Chutichuan, mi tin heng ka thu hi hriaa zawm apiang chu, mi fing lungpui chunga in satu nen tehkhin tur a ni. 7:25 Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; nimahsela a chim lo va; lungpui chunga rem tlat a nih avangin. 7:26 Tin, mi tin, heng ka thu hi hriaa zawm lo apiang chu, mi a tiauvut chung maia in satu nen tehkhin tur a ni. 7:27 Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; a chim ta a; a sawp chu nasa tak a ni," a ti a ni). Lungpui chunga mi fing in sak chu thli a tleh nasat poh leh a nghehzia a lang chiang ting mai a ni.
Tiau vut chunga in satu kha chuan a sak zoh thuai hmel a, Lungpui chunga in satuin a ban khur a laih lai vel khan a chhawng thumna vel atanga lo thlirin a bengchheng tiin alo ân khum tawh mai thei a ni. Chutih hun lai chuan a awhawm ve rum rum in a rinawm. Nimahsela, Matthaia 7:24-ah chuan heti hian kan hmu a - "mi tin heng ka thu hi hriaa zawm apiang chu, mi fing lungpui chunga in satu nen tehkhin tur a ni” tiin. Mifing lungpui chunga insatu chu ‘Lal Isua thu hria a zawmtu’ tihna a ni. A thu hriaa zawmtu chuan harsatna lo thleng pawh a do zo a, thlemna tuifawn karah pawh a ding nghet tlat thei a ni. A thu hriaa zawmlotu chu tiauvuta in sak angin thlemna tuifawn alo thleng a, hoteah a tlusawp nghal mai thin a ni. Thlemna do hneh zel tur chuan ‘a thu kan hriat a kan zawm’ a ngai tihna a ni. Lungpui chu Lal Isua sawi nana hman thin a ni a, chu lungpui chunga kan in sawhngheh phawt chuan tihnghin rual lovin kan awm dawn tih na a ni.
Kum hmasa lawkah Chiahpuam a rawn lar a. Chiahpuam chu reilote pawisa daha hausak thut na a ni ber awm e. Pawisa dahpun a hausak chu sual a ni lo tih kan chiang vek awm e. Mahse Pawisa dahpunna, Bank rintlak tam tak a awm laiin a rintlak loh ber; Chiahpuam-ah hlau chung chungin pawisa dah kan thlang zawk tlat. Tiauvut-a insatu nen khan kan inang tihna a ni thei ang em? Bank rinawm taka dah ten thlatin pawisa an dah tauh tauh lai khan Chiahpuam-a dahte chuan an lââp atanga an lei motor changkang tak takin an rawn tlanpel fia fia a ni. Ruah a rawn sur a, tui a rawn lian ta a leh, a tlusawp chu nasa tak a ni. A thenin damchhunga a eibel tur an Sorkar hnate an chân a, chhungkaw tam tak tapin an rûm a, Ram roreltute nen lam kan buai a, Kohhran thlengin a sawinghing a nih kha. Ruah a sur hman tawh avangin inchhir a sawt tawh si lova. Tiauvut-a in satu pawh kha a tirah chuan a awhawm tur zia chu kan suangtuah thiamin ka ring. A insak kha a mature hma dawn nasa mai si a, lungpui chunga fixed deposit-a dah ve pa tân kha chuan a inchhirawm hman ve lek lek in a rinawm a ni. Mahse tui a len meuh kha chuan a nui zâwk an awm tlat a ni. Tu zawk nge nui? kan hre thei awm e.
Chiahpuam-a pawisa dahtute kan hmuhsitna lam a ni lova, ka sawi tum lai ber chu kan rilru nghet lo zâwk kha a ni. Bank rinawm, kum tam tak buai lova kal tawh, in nghahna tlâk kan hriat reng laia a chi dang, a tharlam, mi tih kan hriat, a dahtute pawhin kan rin em em lohah khan kan indah ngam tlat mai khan kan rilru ngheh loh zia te, a him leh him lo pawh fiah hmasa lova zuan bawrh bawrh kan tam zia te a tilang a ni. Lungpui chunga in satu angin Lal Isuaah kan dinnghet tur a ni.
4. Hossana :
Hossana tia au tute khan Kross-ah khengbet rawh an ti a, chumi titute ngei chuan khengbet rawh an ti.
Mizote tluka a nawlpuia Pathian Thu hria, hre ril, hre tam, sawi thei leh ngaithla tam hi kan awm lo hial awm e. Thil lawmawm tak a ni. Amaherawhchu, kan hriat ril, hriat tam, sawi theih leh ngaihthlâk tam ang erawh chuan kan nghet hauh si lo hi a buaithlak lai chu a ni. Matthaia 13:22-ah chuan heti hian kan hmu a, “Tin, hnimhlingnei zinga theh chu, thu hretu a ni a, nimahsela, khawvel lungkhamna leh hausakna bumna chuan thu chu a dip a, rah lovin a lo awm thin” tiin. Kan thu hriatte chu nawmsak kan duhna leh kan bul vela khawvel thilten a dip ral a, rah chhuah hman lovin a thi thin a ni. Khawvel thil leh changkânna thil tam takin min nuai mêkna kârah hian \halaite hian nun nghet nei a, khawvel neksawrna laka him thei turin ṭan i la zel ang u.
Sawi ni : Ni 29.3.2010 (Thawhtan Zan)
Sawina hmun : RSKTP inkhawm
RINGTU NUNKAWNG
"Hmu thawh reng inti ka ni lo va, famkim tawh reng inti pawh ka ni hek lo; 'Krista mi man chhan chu ka man thei dah law maw,' tiin a umin ka um zawk a ni. Unaute u, manah ka inngai lo. Amaherawhchu he thil pakhat hi ka ti thin – hnung lama thil awmte chu theihnghilh a, hma lama thil awmte chu banin, Krista Isuaa Pathian chung lam koh chhan lawmman hmu turin, tiam chin lam chu ka pan talh talh a ni"
Philippi 3:12-14
Tun tum atan hian RINGTU NUNKAWNG tih thupuiah ka han vuah ve a, chu chu kawng hnih lekin sawi kan tum dawn a ni.
Pakhatna atan chuan ‘GOAL’ tih chungchang hi sawi hmasa ila. Goal tih chu kan hrethiam nghal vek a, ‘tum’ tihna te pawh a ni awm e. Ringtute hian thil tum tam tak kan nei a, kan nitin hun hmanah hian sual hneh zel te, thiltha tih te kan tum thin, nimahsela GOAL erawh chu pakhat chiah kan nei a, chu chu VANRAM a ni. Kumin hi Fifa World Cup neih kum te a ni bawk a, Football chanchin atang hian zir dawn ta ila. Football leh Ringtu Nun hian in anna a ngah hle mai a, kan sawi belhbawm dawn a ni.
English Premier League kan en thin a, Football-a thil pawimawh tak 3 chu Player, Ball, Goal te an ni. Player chu Ringtute, Ball chu Piantharna, Goal chu Vanram. Player chuan ball chu Goal-ah tihluh a tum thin a, Ringtute pawhin kan Piantharna hi Vanram luhpui kan tum a ni.
Football-ah chuan Team pahnih an inkhel a, ball chu goal-ah tihluh tumin theihtawpin an bei thin a ni. Ball chu chak tak takin an tlanpui a, an hnungah lehlam pawl, an hmelma lam chuan an rawn um reng a, an inthlahdah vaih chuan ball chu laksakin an awm a, an mahni goal-ah thun tumin a bei let thin a, ball an inlaksak tawh chuan ball chan leh tumin tlan letleh a ngai a, nasa fe a an um hnuah an vanneih chuan an laksak leh thei chauh thin a ni. An vanneih loh phei chuan an goal-ah lutin a tawpah an mittui ti tlatu a ni fo thin a ni. Amaherawhchu an ball khalh lai an rawn laksak lo anih chuan goal bul hnaihah an ball khalh lai chu harsa tak chung pawhin an han cross hrâm a, ball chu goal-ah net puarpawpin a lut a, chu veleh an mahni mai bakah, inkhawm reh lai pawh sawi lovin, kan khua thleng thlengin kan lo au ve thin a ni. Chak taka tlan chunga ball han cross vel chu thil harsa tak a ni a, cross thiam deuh te phei chu an lar phah hle thin a ni. Ball cross chuan chuhbuai mektu lak atangin a thiarfihlim thin a ni.
Tichuan keini pawh kan Goal, Vanram luh tuma kan kal mek lai hian kan hnungah lehlam pâwl, Setana hian min ûm reng a, kan piantharna min laksak tumin min um min um a, kan inthlahdah lai changin min hnaih reng thin a ni. Min ûm phak rualin min tibuai a, kan piantharna chu kan hum zo lova, min laksak a, min tlanlêt san leh thin a ni. Kan tum, kan goal lam pan thei lovin min siam a, kan goal-a luhpui tur kan piantharna chu la letleh turin min laksaktu, amah Setana chu buaipui lo thei lovin, kan goal lam pan leh tur chuan amah chu nasa fê a kan beihlêt phawt a ngai thin a, kan beih nasat a, kan tumruh phawt chuan kan laksak leh thei a, kan goal lamah kan tlan leh thei chauh dawn a ni. Kan piantharna chu Ball a ni a, Ball tel lovin tumahin an pet Goal ngai lo.
Kan ball khalh lai chu min chhuhsak lo anih pawhin min umphak loha tlan chungin, min lo chhaih buaitu, Defender tha pui pui tam tak pal tlang tur kan la nei a, chung kan paltlang hnuah pawh Goal vengtu alo awm leh a, Goal vengtu kan paltlang hnu chuan tuma tihbuai phak tawh lohin kan ti goal thei ta a ni. Goal-a ti lut tur hian ball han cross zauh zauh pawh a ngai a, kan cross tawh chuan ball chu min chuh buaitu lak atanga hla taka kan dah thei thin bawk a ni.
Setana hian kan piantharna hi min chuhsak mai lo mahse kawng Setana hian kan Goal luh tumna lakah min tibuai turin hmanrua tam tak, min tibuai theitu Defender a nei a, sex te, ruihhlo te leh sum leh pai te-in min lo dan a tum leh a, chung zawng zawng chu kan paltlang a ngai a, kan paltlang hunah kan tum chu hlenin lawmin kan la au dawn a ni.
Kan Goal kan pannaah hian mahni in ven pah a ngaih chang a awm bawk a, a then chuan defender-te paltlang zo lovin hnehin an awm a, defender an paltlang anih pawhin Goal keeper alo la awm leh zel a, harsatna kan tawhna hmun hi a inang vek lem lo a ni. Defender paltlang hneh viau mah ila Goalkeeper kan paltlang zawh loh chuan hnehna kan chang thei dawn lova, hnehna chang tur chuan kan hmaa min daltu chu hneh zel a ngai a ni. Ringtute pawh hian kal goal thlen nan hian kan hmaa defender-te, goalkeeper-te hi hneh zel a ngai a ni. Midfield-ah hneh viauin hnungtawlh lo mah ila kan goal kan hlen chuan loh chuan nakinah hian lawmna kan chang zo lo ang tih a hlauhawm hle a ni.
Lehlam pawl chu kan hneh lo deuh pawh a ni thei e. Coach/Manager kan neih chu hman tangkai a ngai ta a ni. Coach chu min lo thlir rengtu a ni a, kan chaklohna lai apiang min rawn tichak turin min thlir reng a, tihdan turte min hrilh thin a ni. Keini pawh hian min thlir rengtu Coach kan neih a ngai a, hnehna chang turin kan chaklohna lai apiangah Amah chu kan râwn thin a ngai a ni. Coach thu kan zawm loh erawh chuan kan talbuaina ngaiah kan talbuai zel dawn tihna a ni.
Mâwi taka pêt goal leh nalhlo deuha pet goal hi a hlut zawng a inang reng a, goal khat ve ve a ni. Nimahsela, a luhdan a zirin khawvel milar anih phah theih thung. Maradona pawh khawvel ngaihsan anih na chhan chu Field lai atanga a khalh goal vangte, England goalah a kuta a benluh vangte a ni? Beckham pawh freekick a pet luh nalh theih em vang a ni? ti ila tuman ‘NO’ kan tih ka ringlo. Heng goal ropui kan sawite hi nikum maia Henry (Younry) handball vanga chakna an chan nen a intluk vek a. Hengte hi a goal vek a, mahse fak hlawh em em leh sawiselna tawk nasa tak te an ni. Zanina ka sawi duh lai tak chu a goal lai bawk hi a ni a, ringtute hi kan inang vek lo a, kan theihna pawh a inang vek lo a ni. A pawimawh lai bera chu kan goal kan panna kawngah hian hnehna kan chan zel hi a pawimawh lai tak a chu a ni.
Defender Petera pawh khan Lal Isua mantira a awm dawn zan khan ala defend tha viau a, Puithiam bawih beng a sahthlak sak a, mahse a tuk khua a var meuh chuan an mahni lamah vawi 3 a pet goal zawt zawt anih kha, Columbia Team ami chu nise vawi 3 an kaphlum duh ngei ang. (Escobar pawh an kaphlum a nih kha) .......
Setana hian min um phak lo mahse a thurualpui tam takin kan goal kan pannaah hian min lo tihbuai an tum thin a, harsa tak chung pawha kan paltlang lo a nih vaih chuan kan goal kan thleng zo dawn lova, kan tahnain min hmuak dawn a ni.
2. NUN NGHET
Zanina inkhawm zingah la piangthar ngailo chu kan awm lo ang tih a chiang a. Nimahsela ringtu kan nih lai hian kan rinna kan hlauh fo thin a ni. Kan nuam tih zawng te, kan tuipui zawngte a ngai reng thei lova, kan nun pawh a inthlak fo thin a ni. Zanina rawn inkhawmte pawh hian Nghehna Nun hi kan mamawh ber te zing ami chu a ni ngeiin a rinawm. Chu kan mamawh chu engtin nge kan neih theih ang tih kawng 3-in kan hriat \han fo tawh hnu hi lo tarlang ila.
1. Grep hrui tak zawm tlat (Johana 15:4)
Grep chu kan hre theuh a, Grep pêng chuan rah chhuah thei tur chuan a kungpuia zawm tlat a ngai a, a chhan chu amahin a rah thei lo a ni. A peng chuan a kungpui a zawm loh hun hun chu a thih hun a ni a. A thih tawh chuan rah a rova, rah a chhuah tawh ngai lo a ni. Johana 15:4-a kan hmuh ang hian Isua hi grep hrui tak tak chu a ni a, keini hi a pêngte chu kan ni a; Grep hrui tak tak ‘Isua’ tel lovin a pêng ‘keimahni’ hi kan rah thei lo. Grep pêngin rah chhuah tura a kungpui a zawm tlat a ngai ang bawkin, ringtute pawh hian rah chhuah a, nghet taka ding tlat tur chuan Isua nen kan inzawm tlat tur a ni. Thlipui nasa tak pawh lo thawk mah se, a kungpui kan zawm tlat avangin len bovin kan awm ngai dawn lo a ni. Grep pêng chuan a kungpui a zawm tlat theih na chhan chu a kungpui atangin chakna a la a, chaw a lakluh reng thin vang a ni. Chutiang chiah chuan keini pawhin nitin Pathian thu chhiar a, \awng\aiin Lal Isua chu kan zawm reng thei a ni.
2. Isua lam en tlat (Mt. 14:29)
Lal Isua khan chhangper 5 leh sangha 2-a patling sangnga lai a hrai zawh khan, a zirtirte kha râl lehlam (Kapernaum khua)-a lo va kal hmasa turin a tir a. Tlai alo ni a, lawng chu dil lai takah chuan a awm a, thliin lawng chu a ni lo zawngin a nem avangin tuifawn chuan zan khuain a vawrh a vawrh ta mai a. Isua alo la thleng thei si lo. A zirtirte chu an mangang em em a. Khawfing chah dawn lai velin an lam pana tui chunga Isua lo kal an hmu ta a, Isua chuan a rawn thlamuan ta a. Tui chunga Isua lo kal a hmuhin Petera chuan, “Lalpa… tui chunga i hnena kal thu mi pe rawh,” a ti a. Isua chuan, “Lo kal ta che,” a ti ve mai bawk a (28:29).
Petera chu lawng a\ang chuan a chhuk a. Isua en tlatin Isua lam pan chuan tui chungah chuan ke in a kal ve ta mai a. Isua chauh a en lai chuan a buai reng reng lo. Mahse, Isua ni lo, a vela tuifawn hlup hlup a en chuan a hlau a, a buai a, a pil dawn ta mai a ni tih kan hria a ni.
Petera angin Lal Isua kan en reng chhûng chuan kan ding nghet ang a, kan enloh hun hunah kan buaina khawvel hian min chim pil dawn a ni. Lal Isua en lova keimahni kan inen a, khawvel nawmsakna te kan thlir a, kan rawngbawlpuiteah kan inteh kan inteh chuan kan rinna min sawhsawn sak thei thil kan hmu fo dawn a, amaherawhchu Isua kan en reng chuan chûng harsatna leh buainate chuan min tibuai phak dawn lo a ni. Lal Isua chu mi tlinglote tlinna, misualte felna, lungngaite lawmna a ni si a. Hla siamtu pawhin “Chak lote tan Isua lungpui nghet a ni” tiin alo phuah a ni.
3. Lungpui chunga innghah (Jak. 1:22)
Lal Isua’n in satu pahnih tehkhin thu a sawi a. Mi fing chuan lungpui chungah, harsatna tam tak paltlangin in nghet tak a sa a, thlipui leh ruahpui nasa tak pawhin a tinghing zo lo; a innghahna a ngheh tlat vang a ni. Mi â erawh chuan \iauvut chungah in a sa a, kâr lovah a sa zo thuai mai. Mahse, thlipui leh ruahpui a rawn thawk a, chu in chu a nuai chhe ta vek mai a. A nghahchhan a ngheh loh em vang a ni. Lal Isuan mi tin a thu hriaa zawmtute chu mi fing, lungpui chunga in satu nen a tehkhin a ni. Lungpui chu Lal Isua sawina atan hman thin a ni bawk. (Matthaia 7:24 "Chutichuan, mi tin heng ka thu hi hriaa zawm apiang chu, mi fing lungpui chunga in satu nen tehkhin tur a ni. 7:25 Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; nimahsela a chim lo va; lungpui chunga rem tlat a nih avangin. 7:26 Tin, mi tin, heng ka thu hi hriaa zawm lo apiang chu, mi a tiauvut chung maia in satu nen tehkhin tur a ni. 7:27 Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; a chim ta a; a sawp chu nasa tak a ni," a ti a ni). Lungpui chunga mi fing in sak chu thli a tleh nasat poh leh a nghehzia a lang chiang ting mai a ni.
Tiau vut chunga in satu kha chuan a sak zoh thuai hmel a, Lungpui chunga in satuin a ban khur a laih lai vel khan a chhawng thumna vel atanga lo thlirin a bengchheng tiin alo ân khum tawh mai thei a ni. Chutih hun lai chuan a awhawm ve rum rum in a rinawm. Nimahsela, Matthaia 7:24-ah chuan heti hian kan hmu a - "mi tin heng ka thu hi hriaa zawm apiang chu, mi fing lungpui chunga in satu nen tehkhin tur a ni” tiin. Mifing lungpui chunga insatu chu ‘Lal Isua thu hria a zawmtu’ tihna a ni. A thu hriaa zawmtu chuan harsatna lo thleng pawh a do zo a, thlemna tuifawn karah pawh a ding nghet tlat thei a ni. A thu hriaa zawmlotu chu tiauvuta in sak angin thlemna tuifawn alo thleng a, hoteah a tlusawp nghal mai thin a ni. Thlemna do hneh zel tur chuan ‘a thu kan hriat a kan zawm’ a ngai tihna a ni. Lungpui chu Lal Isua sawi nana hman thin a ni a, chu lungpui chunga kan in sawhngheh phawt chuan tihnghin rual lovin kan awm dawn tih na a ni.
Kum hmasa lawkah Chiahpuam a rawn lar a. Chiahpuam chu reilote pawisa daha hausak thut na a ni ber awm e. Pawisa dahpun a hausak chu sual a ni lo tih kan chiang vek awm e. Mahse Pawisa dahpunna, Bank rintlak tam tak a awm laiin a rintlak loh ber; Chiahpuam-ah hlau chung chungin pawisa dah kan thlang zawk tlat. Tiauvut-a insatu nen khan kan inang tihna a ni thei ang em? Bank rinawm taka dah ten thlatin pawisa an dah tauh tauh lai khan Chiahpuam-a dahte chuan an lââp atanga an lei motor changkang tak takin an rawn tlanpel fia fia a ni. Ruah a rawn sur a, tui a rawn lian ta a leh, a tlusawp chu nasa tak a ni. A thenin damchhunga a eibel tur an Sorkar hnate an chân a, chhungkaw tam tak tapin an rûm a, Ram roreltute nen lam kan buai a, Kohhran thlengin a sawinghing a nih kha. Ruah a sur hman tawh avangin inchhir a sawt tawh si lova. Tiauvut-a in satu pawh kha a tirah chuan a awhawm tur zia chu kan suangtuah thiamin ka ring. A insak kha a mature hma dawn nasa mai si a, lungpui chunga fixed deposit-a dah ve pa tân kha chuan a inchhirawm hman ve lek lek in a rinawm a ni. Mahse tui a len meuh kha chuan a nui zâwk an awm tlat a ni. Tu zawk nge nui? kan hre thei awm e.
Chiahpuam-a pawisa dahtute kan hmuhsitna lam a ni lova, ka sawi tum lai ber chu kan rilru nghet lo zâwk kha a ni. Bank rinawm, kum tam tak buai lova kal tawh, in nghahna tlâk kan hriat reng laia a chi dang, a tharlam, mi tih kan hriat, a dahtute pawhin kan rin em em lohah khan kan indah ngam tlat mai khan kan rilru ngheh loh zia te, a him leh him lo pawh fiah hmasa lova zuan bawrh bawrh kan tam zia te a tilang a ni. Lungpui chunga in satu angin Lal Isuaah kan dinnghet tur a ni.
4. Hossana :
Hossana tia au tute khan Kross-ah khengbet rawh an ti a, chumi titute ngei chuan khengbet rawh an ti.
Mizote tluka a nawlpuia Pathian Thu hria, hre ril, hre tam, sawi thei leh ngaithla tam hi kan awm lo hial awm e. Thil lawmawm tak a ni. Amaherawhchu, kan hriat ril, hriat tam, sawi theih leh ngaihthlâk tam ang erawh chuan kan nghet hauh si lo hi a buaithlak lai chu a ni. Matthaia 13:22-ah chuan heti hian kan hmu a, “Tin, hnimhlingnei zinga theh chu, thu hretu a ni a, nimahsela, khawvel lungkhamna leh hausakna bumna chuan thu chu a dip a, rah lovin a lo awm thin” tiin. Kan thu hriatte chu nawmsak kan duhna leh kan bul vela khawvel thilten a dip ral a, rah chhuah hman lovin a thi thin a ni. Khawvel thil leh changkânna thil tam takin min nuai mêkna kârah hian \halaite hian nun nghet nei a, khawvel neksawrna laka him thei turin ṭan i la zel ang u.
Sawi ni : Ni 29.3.2010 (Thawhtan Zan)
Sawina hmun : RSKTP inkhawm
